Rumıniyalı futbolçu “Neftçi”yə keçir

Rumıniyanın “Botoşani” klubunun futbolçusu Sebastyan Maylatın “Neftçi”yə transferi rəsmiləşmək üzrədir.

hadiseler.info xəbər verir ki, 28 yaşlı yarımmüdafiəçi FKSB ilə oyundan sonra keçidlə bağlı danışıqların həlledici mərhələdə olduğunu bildirib.

“Neftçi” ilə danışıqların getdiyini deyən rumıniyalı vinger bu həftə hər şeyin dəqiqləşəcəyini vurğulayıb:

“Klublar demək olar ki, razılığa gəliblər, son qərarı mən verəcəyəm. Şübhəsiz ki, bu, irəliyə doğru bir addımdır.”

Məlumata görə, “Neftçi” bu transfer üçün “Botoşani”yə 400 min avro təzminat ödəməyə hazırdır. Karyerası ərzində “ÇFR Kluj”, “Poli Timişoara” və “Sepsi” kimi klublarda oynamış vinger ötən mövsümdəki uğurlu çıxışı ilə diqqət çəkib.