“Neftçi” daha bir transferini həyata keçirib

“Neftçi” heyətini yeni futbolçu ilə gücləndirib. Serbiya təmsilçisi Draqolyub Saviç “ağ-qaralar”ın şərəfini qoruyacaq.

hadiseler.info xəbər verir ki, 25 yaşlı hücumameylli yarımmüdafiəçi ilə “2+1” il müddətinə müqavilə imzalanıb.

Sol vinger mövqeyində çıxış edən serbiyalı futbolçu yüksək sürəti, texnikası və hücumun hər iki cinahında oynamaq bacarığı ilə seçilir.

Karyerası ərzində Serbiya, Avstriya və Latviya klublarında çıxış edən Saviç, “RFS”in heyətində iki dəfə Latviya çempionu (2023, 2024) və kubokunun (2024) qalibi olub. Onun son klubu Serbiya Superliqasında mübarizə aparan “TSC” olub.