Qaradağda Sərhəd Qoşunlarının 107 illiyi qeyd olundu

Dövlət Sərhəd Xidmətinin N saylı hərbi hissəsində 18 Avqust – Sərhəd Mühafizə Orqanları Əməkdaşlarının Peşə Bayramı Günü və sərhəd qoşunlarının yaranmasının 107-ci ildönümü münasibətilə təntənəli tədbir keçirilib.

hadiseler.info xəbər verir ki, tədbirdə Qaradağ Rayon İcra Hakimiyyəti başçısının səlahiyyətlərini icra edən Emil Abbasov, YAP Qaradağ rayon təşkilatının sədri İlqar İlyasov, DSX rəhbərliyi, zabit və hərbi qulluqçular iştirak ediblər.

Dövlət Himni ilə başlayan tədbirdə Ümummilli Lider Heydər Əliyevin və şəhidlərimizin xatirəsi yad edilib, DSX rəisi general-polkovnik Elçin Quliyevin təbrik müraciəti oxunub. Tədbirdə çıxış edənlər sərhədçiləri təbrik edərək, Ali Baş Komandan İlham Əliyevin rəhbərliyi ilə Azərbaycan sərhədlərinin etibarlı qorunduğunu vurgulayıblar.

Sonda xidmətdə fərqlənən bir qrup hərbi qulluqçuya Fəxri fərmanlar və növbəti hərbi rütbələr təqdim olunub. Rəsmi hissədən sonra Vətən Müharibəsi qazisi Məbud Əhmədovun iştirakı ilə vətənpərvərlik ruhunda konsert proqramı təşkil edilib.