İki futbolçunun öldüyü qəzada yeni detallar

Abşeron rayonunda iki futbolçunun həyatını itirdiyi ağır yol-nəqliyyat hadisəsində adı hal-hazırda hallanan “Toyota Corolla” markalı avtomobilin sahibi Yaşar Bağırov məsələyə münasibət bildirib.

hadiseler.info xəbər verir ki, Y.Bağırov açıqlamasında qəzada hər hansı təqsirinin olmadığını deyib. O qeyd edib ki, iyulun 29-da Qobu qəsəbəsində ötəmə əməliyyatı edərkən qarşıdan gələn avtomobillə üzbəüz gəlsə də, dərhal öz zolağına qayıdıb və heç bir toqquşma baş verməyib.

Nəqliyyat vasitəsinin sahibi qəzanın baş verdiyini görmədiyini və hadisədən yalnız polislər evinə gəldikdən sonra xəbər tutduğunu iddia edib. O, həmçinin avtomobilinin sonradan rənglənməsi və sükunət arxasında oğlunun olması ilə bağlı gəzən şayiələri təkzib edərək, ekspertizanın maşında heç bir zədə və ya qəza izi aşkar etmədiyini vurğulayıb.