ABŞ-dən İrana növbəti xəbərdarlıq: “Lazım gələrsə, zərbələr endirəcəyik”

ABŞ-nin Müdafiə naziri Pit Heqset İrana qarşı hərbi müdaxilə ehtimalı ilə bağlı sərt bəyanat verib.

hadiseler.info xəbər verir ki, Viskonsin ştatındakı hərbi bazaya səfərindən sonra jurnalistlərin suallarını cavablandıran Heqset Vaşinqtonun İrana qarşı hərbi variantı gündəmdən çıxarmadığını vurğulayıb.

Pentaqon rəhbəri bildirib ki, “kinetik zərbələr” variantı tam şəkildə masadadır və ehtiyac yarandığı təqdirdə ABŞ ordusu bu imkandan istifadə edəcək. O, İranın Yaxın Şərqdə və ya digər bölgələrdə ABŞ hərbçilərinə qarşı hər hansı bir addım atacağı təqdirdə Vaşinqtonun adekvat və qətiyyətli cavab verəcəyini xüsusi qeyd edib.