Ukrayna xaricdəki vətəndaşlar üçün sosial ödənişləri kəsir

Ukrayna hökuməti ölkədə yaranan kəskin büdcə kəsiri fonunda xaricdə yaşayan vətəndaşları üçün sosial müavinətlərin verilməsini məhdudlaşdırır.

hadiseler.info xəbər verir ki, uzun müddət və ya daimi olaraq ölkə hüdudlarından kənarda məskunlaşan ukraynalılar bundan sonra dövlətdən yeni sosial müavinətlər ala bilməyəcəklər.

Açıqlanan qərara əsasən, əvvəllər təyin olunmuş pensiyalar, çoxuşaqlı ailələrə verilən müavinətlər və ailə tipli uşaq evləri bu məhdudiyyətlərdən istisna təşkil edir.

Ukrayna Milli Bankının hesablamalarına görə, bu il ölkənin büdcə kəsiri 70 milyard dolları ötəcək. Bu göstərici Ali Rada tərəfindən qəbul edilən büdcə planından təxminən 30 milyard dollar çoxdur.