Azərbaycanın Gürcüstanla ticarət dövriyyəsi ticarət əməliyyatlarında 44%-ə yaxın artıb

2026-cı ilin yanvar-iyul aylarında Azərbaycan ilə Gürcüstan arasında ticarət dövriyyəsinin həcmi 668 milyon 531 min ABŞ dollarına çatıb.

hadiseler.info xəbər verir ki, Dövlət Gömrük Komitəsinin göstəricilərinə əsasən, bu göstərici ötən ilin müvafiq dövrü ilə müqayisədə 203 milyon 694 min ABŞ dolları (43,8%) çoxdur.

Hesabat dövründə Azərbaycanın Gürcüstana ixracı 50,8% artaraq 576 milyon 713 min ABŞ dolları, Gürcüstandan idxal isə 11,5% artımla 91 milyon 818 min ABŞ dolları təşkil edib. Gürcüstanla ticarət Azərbaycanın ümumi ticarət dövriyyəsinin 2,2%-ni, o cümlədən ixracın 2,9%-ni, idxalın isə 0,9%-ni əhatə edib.

İlk 7 ayda Azərbaycanın xarici ticarət əməliyyatlarının ümumi həcmi illik müqayisədə 1,3% artaraq 29 milyard 216 milyon ABŞ dollarına yüksəlib. İxracın payı 19 milyard 336 milyon dollar (27% artım), idxalın payı isə 9 milyard 881 milyon dollar (27,4% azalma) olub. Yaranmış müsbət xarici ticarət saldosu 9 milyard 455 milyon dollara çataraq illik müqayisədə 5,9 dəfə artıb.