Rusiyadan Ermənistana Azərbaycandan tranzitlə növbəti tədarük həyata keçirilib

Rusiyadan Ermənistana Azərbaycan ərazisindən tranzit keçməklə növbəti yük tədarüyü icra olunub.

hadiseler.info xəbər verir ki, avqustun 25-də Biləcəri stansiyasından Böyük Kəsik istiqamətinə 14 vaqondan ibarət 976 ton buğda və 1 vaqondan ibarət 65 ton taxta yola salınıb.

Ümumilikdə, indiyədək bu marşrutla Rusiyadan Ermənistana 50 min tondan çox taxıl, 9 min tona yaxın gübrə, 1414 ton propan, 1114 ton kömür, 133 ton alüminium və 67 ton taxta daşınıb. Həmçinin, Azərbaycandan Ermənistana 15 min tona yaxın dizel, eləcə də 5 min tona yaxın Aİ-92 və Aİ-95 markalı benzin ixrac edilib.