Azərbaycanın Rusiya ilə ticarət dövriyyəsi 31%-dən çox azalıb

2026-cı ilin yanvar-iyul aylarında Azərbaycan və Rusiya arasında ticarət dövriyyəsinin dəyəri 2 milyard 109 milyon 757 min ABŞ dolları təşkil edib.

hadiseler.info xəbər verir ki, Dövlət Gömrük Komitəsinin məlumatına əsasən, bu göstərici ötən ilin eyni dövrü ilə müqayisədə 959 milyon 968 min ABŞ dolları və ya 31,2% azdır.

Hesabat dövründə Azərbaycanın Rusiyaya ixracının dəyəri 3,9% artaraq 749 milyon 550 min ABŞ dollarına çatsa da, idxalın dəyəri 42% kəskin azalaraq 1 milyard 360 milyon 207 min ABŞ dolları olub. Rusiya ilə ticarət Azərbaycanın ümumi ticarət dövriyyəsinin 7,2%-ni, o cümlədən ixracın 3,8%-ni, idxalın isə 13,7%-ni təşkil edib.

İlin ilk 7 ayında Azərbaycanın xarici ticarət əməliyyatlarının ümumi həcmi 1,3% artaraq 29 milyard 216 milyon ABŞ dollarına yüksəlib. İxrac 19 milyard 336 milyon dollar (27% artım), idxal isə 9 milyard 881 milyon dollar (27,4% azalma) təşkil edib. Yaranmış müsbət xarici ticarət saldosu 9 milyard 455 milyon dollara çataraq illik müqayisədə 5,9 dəfə artıb.