Bakıya və rayonlara yağış yağacaq

Azərbaycanda avqustun 30-da havanın qeyri-sabit və yağıntılı keçəcəyi gözlənilir.

hadiseler.info xəbər verir ki, bu barədə Milli Hidrometeorologiya Xidməti məlumat yayıb.

Bakı və Abşeron yarımadasında:

 Hava dəyişkən buludlu olacaq, əsasən yağmursuz keçəcək, lakin axşam bəzi yerlərdə yağış yağacağı gözlənilir.

 Gecəyə doğru yarımadanın ayrı-ayrı yerlərində qısamüddətli leysan və şimşək çaxacağı ehtimal olunur.

 Arabir güclənən şimal-qərb küləyi əsəcək.

 Havanın temperaturu gecə 22-25° isti, gündüz 27-29° isti, atmosfer təzyiqi 759 mm civə sütunu, nisbi rütubət isə gecə 65-70 %, gündüz 45-50 % təşkil edəcək.

Bölgələrdə:

 Şimal və qərb rayonlarından başlayaraq bəzi yerlərdə arabir yağış yağacağı, ayrı-ayrı ərazilərdə leysan xarakterli intensiv olacağı, şimşək çaxacağı və dolu düşəcəyi gözlənilir.

 Gecə və səhər dağlıq ərazilərdə arabir duman olacaq. Mülayim qərb küləyi bəzi yerlərdə arabir güclənəcək.

 Havanın temperaturu gecə 19-24° isti, gündüz 31-35° isti, dağlarda gecə 12-17° isti, gündüz 20-25° isti olacaq.