ABŞ-də təyyarə təcili eniş zamanı alovlandı-VİDEO

ABŞ-nin Los-Anceles Beynəlxalq Aeroportunda (LAX) təyyarə təcili eniş edərkən yanğın baş verib.

hadiseler.info “ABC News”a istinadən xəbər verir ki, “Boeing 737” tipli yük təyyarəsinin enişi zamanı tormoz sistemində yaranan nasazlıq səbəbindən şinlər həddindən artıq qızaraq alovlanıb və təkərlər partlayıb.

Hadisə yerinə dərhal fövqəladə xidmət əməkdaşları cəlb olunub və alov qısa müddətdə söndürülüb. Fəniks şəhərindən havalanan təyyarənin göyərtəsində olan heyət üzvlərindən xəsarət alan olmayıb.

Faktla bağlı ABŞ Federal Aviasiya Administrasiyası (FAA) tərəfindən araşdırma aparılır.