ABŞ ordusu Sakit okeanda narkokartelin gəmisini batırdı- VİDEO

ABŞ Silahlı Qüvvələri Sakit okeanın şərq hissəsində Ekvador narkokartelinin maraqlarına xidmət edən kateri ələ keçirərək məhv edib.

hadiseler.info xəbər verir ki, bu barədə ABŞ Silahlı Qüvvələrinin Cənub Komandanlığı məlumat yayıb.

Məlumata görə, ABŞ dəniz piyadaları “San Antonio” desant gəmisindən istifadə edərək sözügedən kateri saxlayıb və yoxlanış aparıblar. Katerdə olan şəxslər Ekvadora təhvil verildikdən sonra gəmi ABŞ hərbçiləri tərəfindən batırılıb.

Əməliyyatın Ekvador hökuməti ilə birgə koordinasiya çərçivəsində həyata keçirildiyi bildirilir. Kəşfiyyat məlumatlarına əsasən, həmin kater Ekvadorun ən böyük narkokartellərindən biri olan “Los-Çoneros”un maraqları naminə işləyib və beynəlxalq sularda narkotik qaçaqmalçılığı zamanı üzən yanacaqdoldurma məntəqəsi kimi istifadə olunub.