AFFA İntizam Komitəsi bu klubları cərimələdi

AFFA İntizam Komitəsinin növbəti iclasında Misli Premyer Liqasında baş verən qayda pozuntuları ilə bağlı cərimə qərarları qəbul olunub.

hadiseler.info xəbər verir ki, II turun “Zirə” – “İmişli” matçında qonaq komandanın 5 futbolçusu sarı vərəqə ilə cəzalandırıldığı üçün klub 700 manat məbləğində cərimə olunub.

“Neftçi” – “Araz-Naxçıvan” qarşılaşmasında isə stadionun işıqlandırma sistemində yaranan nasazlıq səbəbindən oyunun 4 dəqiqə dayanması paytaxt klubuna baha başa gəlib. “Neftçi” bu insidentə görə 2000 manat cərimə ödəyəcək.