Ağ Ev: Hazırda ABŞ və İran arasında danışıqlar aparılmır

Hazırda Amerika Birləşmiş Ştatları və İran arasında hər hansı bir danışıq və ya dialoq prosesi həyata keçirilmir.

hadiseler.info “Bakıvaxtı.az”a istinadən xəbər verir ki, bu barədə Ağ Evin mətbuat katibi Kerolayn Levitt “Fox News” telekanalına açıqlamasında bildirib.

Ağ Ev sözçüsü deyib ki, tərəflər arasında təmasların olmaması ABŞ Prezidenti Donald Trampın iranlıların danışıqlar masasına ciddi şəkildə qayıda biləcəklərini hiss edəcəyi vaxta qədər davam edəcək. Levitt vurğulayıb ki, Vaşinqton hələlik qarşı tərəfdə belə bir niyyət və ya hazırılıq görmür.