Anar Nəcəfli vəzifəsindən azad edilib  

hadiseler.info xəbər verir ki, Azərbaycan Avtomobil Yolları Dövlət Agentliyinin Mətbuat Xidmətinin rəhbəri Anar Nəcəfli tutduğu vəzifədən azad olunub.  

Anar Nəcəfli fəaliyyəti dövründə media nümayəndələrinin sorğularına cavab verməməsi və jurnalistlərlə kommunikasiya baxımından passiv mövqe nümayiş etdirməsi ilə bağlı dəfələrlə tənqid olunub. Xüsusilə yol infrastrukturu ilə bağlı jurnalistlərin bir sıra sorğularının cavabsız qalması onun fəaliyyəti ilə bağlı narazılıqlara səbəb olmuşdu.  

Qurum rəhbərliyinin qərarı ilə vəzifəsindən kənarlaşdırılan Anar Nəcəflinin azad olunma səbəbləri barədə hələlik rəsmi açıqlama verilməyib.