AQTA: Ceyranbatanda məktəbdə qida zəhərlənməsi faktı təsdiqini tapmayıb 

Sumqayıt şəhəri, Ceyranbatan qəsəbə məktəbində baş vermiş hadisə ilə bağlı tibb müəssisəsindən əldə edilən məlumata əsasən qida zəhərlənməsi faktı öz təsdiqini tapmayıb. 

hadiseler.info xəbər verir ki, bu barədə sorğuya cavab olaraq AQTA-dan məlumat verilib.  

Qeyd edək ki, oktyabrın 29-da saat 15:50 radələrində Respublika Təcili və Təxirəsalınmaz Tibbi Yardım Mərkəzinə Ceyranbatan qəsəbəsi 2 nömrəli tam orta məktəbindən çağırış daxil olub. TƏBİB-dən bildirilib ki, həmin məktəbin zəhərlənmə şübhəsi olan 8 şagirdinə zəruri tibbi yardım göstərilib. İlkin məlumatlarda şagirdlərin “popkorn”dan zəhərləndiyi ehtimal olunurdu.