Ata oğlunu narkotik mübahisəsinə görə öldürdü

Türkiyənin İzmir şəhərində ata ilə oğul arasında yaşanan mübahisə qətllə nəticələnib.

Hadisə Qaziemir rayonunun Aktəpə məhəlləsində qeydə alınıb. Məlumata görə, 46 yaşlı B.K. ilə 21 yaşlı oğlu Furkan K. arasında gəncin narkotik istifadəçisi olması səbəbilə mübahisə yarandığı bildirilir. Münaqişə böyüyərək əlbəyaxa davaya çevrilib. Bu zaman ata evdən götürdüyü ov tüfəngi ilə oğluna atəş açıb.

Sinə nahiyəsindən ağır güllə yarası alan 21 yaşlı gənc hadisə yerindəcə həyatını itirib.

Hadisədən sonra şok keçirən ata cinayətdə istifadə etdiyi ov tüfəngi ilə birlikdə polis bölməsinə gedərək təslim olub. Polis əməkdaşları tərəfindən silah müsadirə edilib, şübhəli şəxs saxlanılaraq istintaqa təhvil verilib.