Azər Məmmədov yeni arenasından danışdı: “Gəncə stadionu Azərbaycan futboluna böyük töhfə verəcək”

“Kəpəz”in baş məşqçisi Azər Məmmədov komandasının doğma məkanda keçirdiyi ilk sınaq oyunu haqqında klubun mətbuat xidmətinə danışıb:

“Karvan-Yevlax”a qarşı keçirdiyimiz yoxlama matçı Gəncə stadionundakı ilk oyunumuz idi. Belə bir arenanın tək Gəncə üçün yox, Azərbaycan futbolu üçün faydası olacaq. Bizim şəhər, azarkeşlərimiz bu cür gözəl stadiona layiqdir. Burada oynamaq bizə də xoş təəssürat bağışladı. Gəncə stadionunda keçirdiyimiz ilk görüşdə qələbə qazandıq. İnanıram ki, “Kəpəz” azarkeşləri bu stadionu tam dolduracaqlar və biz də azarkeşlərimizi qələbələrlə sevindirəcəyik.

Matçın ilk hissəsində komanda istədiyimiz oyunu nümayiş etdirə bildi. Əsas istəyimiz qol epizodları yaratmaq və onlardan istifadə etmək idi. Birinci yarıda daha çox fərqlənə bilərdik. Amma 2 qol da az deyil. İkinci hissədə oyunun sürəti bir qədər aşağı düşdü. Bu da normaldır. Bəzi əvəzetmələr etdik, gənc oyunçuları meydana buraxdıq. Onlar da çalışdılar ki, özlərini yaxşı tərəfdən göstərsinlər. Bu, ilk qələbəmiz idi, hər kəsi təbrik edirəm”.

“Kəpəz” doğma meydanda ilk matçında qələbə qazanıb

Qeyd edək ki, sözügedən qarşılaşmada “Kəpəz” “Karvan-Yevlax”ı 2:1 hesabı ilə məğlub edib. Yeni stadionda qazanılan bu uğur komandanın mövsümə hazırlıq prosesində mühüm step hesab olunur.