Azərbaycan UEFA reytinqində yüksəlib: Sloveniya geridə qoyulub, hədəf İsraildir

Azərbaycan UEFA-nın ölkə reytinqində növbəti uğurlu addımını ataraq mövqeyini yaxşılaşdırıb.

hadiseler.info xəbər verir ki, UEFA Çempionlar Liqasının pley-off mərhələsinin cavab görüşündə “Sabah” klubunun İsrailin “Hapoel” (Beer-Şeva) komandasını 5:2 hesabı ilə məğlub edərək əsas mərhələyə vəsiqə qazanması Azərbaycanın reytinq əmsalını artırıb.

Bu nəticədən sonra Azərbaycan 23.687 əmsalla 25-ci pilləyə yüksəlib və 22.843 əmsala malik Sloveniyanı geridə qoyub. İndi ölkəmiz 24-cü pillədə cərarlaşan İsrailə (23.750 əmsal) maksimum yaxınlaşıb.

Siyahıya 101.907 əmsalla İngiltərə liderlik etməyə davam edir.