Azərbaycan və Serbiya arasında strateji münasibətlərin inkişafı müzakirə olunub

Azərbaycan Respublikası ilə Serbiya Respublikası arasında ikitərəfli strateji münasibətlərin inkişaf perspektivləri diqqət mərkəzində olub.

hadiseler.info “Report”a istinadən xəbər verir ki, Azərbaycanın Serbiyadakı səfiri Tahir Tağızadə bu ölkənin Xarici İşlər Nazirliyinin katibinin köməkçisi Tamara Rastovaç Siamaşvili ilə görüşüb.

Görüş zamanı diplomatlar iki ölkə arasında strateji tərəfdaşlıq münasibətlərinin uğurla inkişaf etdirilməsi, gələcək əməkdaşlıq imkanları və qarşılıqlı maraq kəsb edən məsələlər ətrafında geniş fikir mübadiləsi aparıblar.