Azərbaycanda yeni futbol klubu yaradıldı

Azərbaycanda yeni futbol klubu olan “Gəncəbasar” FK-nın rəsmi təqdimat mərasimi keçirilib. Tədbirdə AFFA, PFL, Futbolun İnkişaf Fondu, Gənclər və İdman Nazirliyinin rəsmiləri, eləcə də idman ictimaiyyətinin nümayəndələri iştirak ediblər.

hadiseler.info xəbər verir ki, təqdimatda Həşim Mövsümzadənin klub prezidenti, Elhad Nəzirinin isə baş məşqçi olduğu açıqlanıb. Klub rəhbərliyi əsas məqsədin Gəncədə və regionda futbolun inkişafına dəstək vermək, dayanıqlı klub modeli qurmaq olduğunu diqqətə çatdırıb.

Klubun icraçı direktoru İlqar Nadiri bildirib ki, Azərbaycan I Liqasında mübarizə aparacaq komanda ev oyunlarını Gəncə şəhər stadionunda keçirəcək. Mərasimin sonunda klubun canavar obrazındakı yeni maskotu da ictimaiyyətə təqdim edilib.