Azərbaycan neftinin qiyməti 120 dollara çatır

Dünya bazarlarında Azərbaycanın “Azeri Light” (CIF) markalı xam neftinin qiymətində kəskin artım dinamikası davam edir.

hadiseler.info xəbər verir ki, “Azeri Light” markalı neftin 1 barelinin qiyməti 6,22 ABŞ dolları və ya 5,5% artaraq 119,54 ABŞ dollarına yüksəlib.

Məlumat üçün bildirək ki, bundan əvvəlki ticarət günündə Azərbaycan nefti 113,32 ABŞ dolları səviyyəsində qərarlaşmışdı.

Xatırladaq ki, “Azeri Light” markalı neftin tarixi ərzində ən aşağı qiyməti 2020-ci il aprelin 21-də 15,81 ABŞ dolları, maksimum göstəricisi isə 2008-ci ilin iyulunda 149,66 ABŞ dolları təşkil edib. Azərbaycanın builki dövlət büdcəsində 1 barel neftin orta qiyməti 65 ABŞ dolları həcmində nəzərdə tutulub.