Bakıda uşaq bağçasında ciddi nöqsanlar aşkarlandı – FOTOLAR

Binəqədi rayonunda yerləşən məktəbəqədər təhsil müəssisəsində Azərbaycan Respublikasının Qida Təhlükəsizliyi Agentliyi (AQTA) tərəfindən keçirilən yoxlama zamanı normativ tələblərin pozulması halları müəyyən olunub.

hadiseler.info xəbər verir ki, AQTA əməkdaşları tərəfindən Binəqədi rayonu, Müşfiqabad qəsəbəsi, Günəşli küçəsində yerləşən 329 nömrəli uşaq bağçasında plandankənar yoxlama aparılıb.

Yoxlama zamanı müəssisənin qida təhlükəsizliyi qeydiyyatına alınmadan fəaliyyət göstərdiyi, eləcə də texniki normativ hüquqi aktların, sanitariya norma və qaydalarının tələblərinin pozulduğu məlum olub.

Aşkar olunmuş nöqsanlar səbəbindən uşaq bağçasının rəhbərliyi barəsində inzibati xəta haqqında protokol tərtib edilib. Eyni zamanda, bağçanın mətbəxində olan istehlaka hazır qida məhsullarından nümunələr götürülərək laborator müayinələrə cəlb olunub.