Bakının bu qəsəbələrində qaz olmayacaq

Paytaxtın Sabunçu və Bakıxanov qəsəbələrinin bir hissəsində qaz təchizatında müvəqqəti fasilə yaranacaq.

Hadisələr.info xəbər verir ki, bu barədə “Azəriqaz” İstehsalat Birliyi məlumat yayıb.

Planlaşdırılan təmir-quraşdırma işləri ilə əlaqədar avqustun 7-si saat 10:00-dan etibarən proses başa çatanadək aşağıdakı ünvanlarda qazın verilməsi dayandırılacaq:

 Sabunçu qəsəbəsi: Ə. Dadaşov, Y. Saratov, M. Kalinin, Ş. Rustaveli və M. İbrahimov küçələri;

 Bakıxanov qəsəbəsi: M. Əmirov, R. Qəmbərov, R. Axundov, S. Qocayev və K. Kamilov küçələri.

Təmir işləri yekunlaşdıqdan sonra mavi yanacağın verilişi mərhələli şəkildə bərpa olunacaq.