Bəşər Əsədin əmisi oğlu ölüm cəzasına məhkum edildi

Dəməşq Cinayət Məhkəməsi Suriyanın keçmiş prezidenti Bəşər Əsədin əmisi oğlu Vasim Əsəd barəsində edam hökmü çıxarıb. Məhkəmə onu bəşəriyyətə qarşı cinayətlər törətməkdə təqsirli bilib.

Məhkəmə prosesi zamanı Vasim Əsədin vətəndaş müharibəsi dövründə Suriyanın Homs əyalətində mülki şəxslərin qətlə yetirilməsi və onlara işgəncə verilməsində iştirakı sübuta yetirilib.

Bununla yanaşı, V.Əsəd müharibə illərində hökumət qüvvələrinin şiddətli döyüşlər və uzunmüddətli mühasirə altında saxladığı Dəməşqin Şərqi Quta bölgəsində dinc əhaliyə qarşı törədilmiş cinayətlərdə də təqsirli tanınıb.