Biləsuvarda həyat yoldaşının bədənində siqaret söndürdü

hadiseler.info xəbər verir ki, Biləsuvar rayonunun Nərimankənd kəndində məişət zorakılığı hadisəsi baş verib.

Kənd sakini Mirzə Qulamov evə gələrkən həyat yoldaşının icazəsiz əkin sahəsinə işləməyə getdiyini öyrənib. O, həyat yoldaşını evə çağıraraq aralarında yaranan mübahisə zamanı qadına fiziki təzyiq göstərib və müxtəlif bədən xəsarətləri yetirib. Şəxs bununla sakitləşməyərək yandırdığı siqareti qadının qollarına basaraq ona yanıq xəsarətləri vurub.

Hadisədən sonra hüquq-mühafizə orqanlarının əməkdaşları tərəfindən saxlanılan şəxs barəsində cinayət işi başlanılıb. Biləsuvar Rayon Məhkəməsində keçirilən prosesdə təqsirləndirilən şəxslə zərərçəkmiş arasında barışıq elan edildiyindən cinayət işinə xitam verilib.