Boksçumuz Avropa çempionatının yarımfinalına yüksəlib

Azərbaycan boksçusu Banuçiçək Nəsirli Serbiyanın Loznitsa şəhərində təşkil olunan U-19 Avropa çempionatında uğurla çıxış edərək yarımfinal mərhələsinə adlayıb.

hadiseler.info Azərbaycan Boks Federasiyasına istinadən xəbər verir ki, 48 kq çəki dərəcəsində mübarizə aparan təmsilçimiz 1/4 final çərçivəsində polşalı Katarjina Qornisieviçlə qarşılaşıb.

Gərgin keçən döyüşdə B.Nəsirli rəqibini 3:2 (30:27, 28:29, 28:29, 30:27, 29:28) hesabı ilə məğlub edərək yarımfinala vəsiqə qazanıb. Bu qələbə ilə boksçumuz özü üçün ən azı bürünc medalı təmin edib. O, avqustun 20-də finala vəsiqə uğrunda irlandiyalı Ellen Coysla döyüşəcək.

Qeyd edək ki, bu gün millimizin daha 4 idmançısı 1/4 final qarşılaşmalarında rinqə çıxacaq.