Bolqarıstanda prezident seçkiləri başlayıb

Bolqarıstanda ölkənin yeni dövlət başçısı və vitse-prezidentini müəyyən etmək üçün səsvermə prosesi start götürüb.

hadiseler.info xəbər verir ki, təxminən 6,5 milyon seçicinin qeydiyyatda olduğu ölkədə ümumilikdə 27 namizəd cütlüyü hakimiyyət uğrunda mübarizə aparır. Xaricdə yaşayan vətəndaşların səs verməsi üçün 60 ölkədə 613 seçki məntəqəsi açılıb. Bolqarıstan diasporunun ən sıx məskunlaşdığı ölkələrdən Türkiyədə 78, Böyük Britaniyada 82, Almaniyada isə 70 məntəqə fəaliyyət göstərir. Səsvermə yerli vaxtla saat 07:00-dan 20:00-dək davam edəcək.

İlkin rəy sorğularının nəticələrinə əsasən, əsas mübarizə hazırkı prezident İlyana Yotova (43,4%) və keçmiş baş nazir Andrey Qyurov (28,9%) arasında gedir. Əgər ilk turda namizədlərdən biri mütləq əksəriyyət qazana bilməsə, seçkilərin qalibi noyabrın 1-də keçiriləcək ikinci turda müəyyənləşəcək.

Baş nazir Rumen Radev vətəndaşları seçkilərdə fəal olmağa çağırıb. O, dövlət idarəçiliyinin təcrübəsiz şəxslərə tapşırıla bilməyəcəyini qeyd edərək sülh naminə İlyana Yotovaya səs verəcəklərini bəyan edib.