Britaniyada hərbi bazaya terror hücumu cəhdi: İran vətəndaşlığı olan şəxs saxlanıldı

Böyük Britaniya Polisinin Terrorla Mübarizə İdarəsi “Ferford” hərbi hava bazasında terror aktı törətmək cəhdi ilə bağlı aparılan təhqiqat çərçivəsində Böyük Britaniya və İran ikili vətəndaşlığı olan şəxsin saxlanıldığını elan edib.

hadiseler.info xəbər verir ki, saxlanılan şəxs 27 yaşlı gəncdir. O, Londonun Vestminster rayonunda terror aktı hazırlamaq ittihamı ilə nəzarətə alınıb.

Təhqiqat çərçivəsində Britaniya vətəndaşı olan daha bir gənc şübhəli şəxs qismində dindirilib, həmçinin Vestminsterdə iki mənzildə axtarış tədbirləri həyata keçirilib.

Xatırladaq ki, sentyabrın 27-nə keçən gecə polis Qlosterşir qraflığındakı “Ferford” aviabazasının yaxınlığında London sakinləri olan 23–25 yaşlarında beş şəxsi də saxlamışdı.