Bu gün Bakının azad edilməsindən 108 il ötür

Sentyabrın 15-i Azərbaycan tarixinin ən şərəfli səhifələrindən biridir — Bakı şəhərinin daşnak-bolşevik işğalından azad olunmasının 108-ci ildönümüdür.

hadiseler.info xəbər verir ki, 1918-ci il sentyabrın 15-də Nuru Paşanın rəhbərlik etdiyi Qafqaz İslam Ordusu və Azərbaycan Korpusu Bakıya daxil olaraq şəhəri erməni-bolşevik işğalından azad edib. Bu tarixi qələbə ilə həm Azərbaycanın dövlət müstəqilliyi təmin olunub, həm də dinc əhaliyə karşı törədilən qanlı qırğınlara və özbaşınalığa son qoyulub.

Qələbədən dərhal sonra, sentyabrın 17-də Azərbaycan Xalq Cümhuriyyəti hökumətinin paytaxtı Gəncədən Bakıya köçürülüb və ölkədə dövlət quruculuğunun əsas mərhələsinə start verilib. Məşhur xeyriyyəçi Hacı Zeynalabdin Tağıyev bu böyük Zəfər münasibətilə təntənəli ziyafət təşkil edərək Nuru Paşaya və qəhrəman sərkərdələrə hədiyyələr təqdim edib.

Bakının azad edilməsi uğrunda aparılan hərbi əməliyyatlarda 1130 osmanlı əsgəri şəhid olub. Bu gün Azərbaycan xalqı türk əsgərinin göstərdiyi qardaşlıq köməyini və qəhrəmanlığını böyük minnətdarlıqla xatırlayır.