Cənubi Koreyada böyük hökumət dəyişikliyi: Altı nazir postuna yeni namizədlər təqdim olunub

Cənubi Koreya Respublikası Prezidentinin Administrasiyası Nazirlər Kabinetində genişmiqyaslı kadr dəyişiklikləri edildiyini elan edib.

hadiseler.info xəbər verir ki, bu barədə Prezident Katibliyinin rəhbəri Kan Hun məlumat verib.

Bildirilib ki, Prezident Li Çje Myon altı mühüm nazir postuna yeni namizədlər irəli sürüb. Yeni təyinatlar aşağıdakı nazirlikləri əhatə edir:

 Maliyyə naziri və iqtisadi məsələlər üzrə baş nazirin müavini

 Ədliyyə naziri

 Müdafiə naziri

 Ailə və gender bərabərliyi məsələləri üzrə nazir

 Torpaq, infrastruktur və nəqliyyat naziri

 Kiçik və orta biznes və startaplar üzrə nazir

Bu addım 2025-ci ilin iyun ayında and içərək vəzifəsinin icrasına başlayan Li Çje Myon administrasiyası dövründə Nazirlər Kabinetində həyata keçirilən ilk genişmiqyaslı kadr islahatıdır.