“Çelsi” La Liqa klubundan Pep Çavarriyanı transfer etməyə hazırlaşır

İspaniyanın “Rayo Valyekano” klubunun müdafiəçisi Pep Çavarriya karyerasını İngiltərə Premyer Liqasında davam etdirəcək.

Hadisələr.info jurnalist Fabritsio Romanonun sosial şəbəkə hesabındakı paylaşımına istinadən xəbər verir ki, London təmsilçisi 28 yaşlı futbolçunun keçidi üçün La Liqa klubuna 19 milyon avro ödəyəcək. Razılaşmanın şərtlərinə əsasən, karşı tərəfə əlavə olaraq 2 milyon avro məbləğində bonus ödənişinin edilməsi də nəzərdə tutulub.

Məlumat üçün bildirək ki, “Transfermarkt” portalı ispaniyalı müdafiəçinin bazar dəyərini 10 milyon avro olaraq qiymətləndirir. Pep Çavarriya 2025/2026-cı illər mövsümündə komandasının heyətində bütün turnirlər daxil olmaqla ümumilikdə 41 qarşılaşmada meydana çıxıb. Təcrübəli oyunçu bu görüşlər ərzində 1 dəfə rəqib qapısına yol tapıb və 2 məhsuldar ötürmə ilə yadda qalıb.