Çində “Meituan” və “Alibaba” şirkətlərində təhqiqat başladı

Çin hakimiyyəti haqsız rəqabətə qarşı qanunvericiliyin pozulması şübhəsi ilə texnologiya giqantları olan “Meituan” və “Alibaba” şirkətlərinin bölmələrinə, həmçinin “Tongcheng” və “Tujia” şirkətlərinə qarşı araşdırmalara başlayıb.

hadiseler.info xəbər verir ki, bu barədə Çin Mərkəzi Televiziyası (CCTV) məlumat yayıb.

Məlumata görə, “Meituan”a məxsus “Beijing Sankuai Information Technology” şirkəti barəsində araşdırmanı Çinin Bazarın Tənzimlənməsi üzrə Dövlət Administrasiyasının Pekin idarəsi aparır.

İlkin yoxlamalardan sonra tənzimləyici qurum həmçinin “Alibaba”nın bölməsi olan “Hangzhou Taomei Aviation Services”, eləcə də “Tongcheng Network Technology” və “Tujia Online Information Technology” (Tianjin) şirkətləri barəsində də paralel araşdırmalara start verib.

Şirkətlərin reaksiyası:

 Tongcheng və Tujia “WeChat”dakı rəsmi hesablarında fəaliyyətlərini adi rejimdə davam etdirdiklərini və hökumətlə tam əməkdaşlıq etdiklərini açıqlayıblar.

 Meituan və Hangzhou Taomei də analoji bəyanat yayaraq istintaq prosesinə hər cür köməklik göstərməyə hazır olduqlarını bildiriblər.