Çində tayfun təhlükəsi ilə 420 mindən çox insan təxliyə edilib

Çinin şərq bölgələrində güclü “Delfin” tayfununun yaxınlaşması ilə əlaqədar 420 mindən çox sakin təhlükəsiz ərazilərə təxliyə olunub. Hadisələr.info xəbər verir ki, bu barədə Çin Mərkəzi Televiziyası məlumat yayıb.

Bildirilir ki, Çjetszyan əyalətinin Tayçjou şəhərində 390 mindən çox sakin müvəqqəti sığınacaqlara köçürülüb. Şanxayda isə sahilyanı rayonlardan 30 mindən çox insan təhlükəsiz zonalara təxliyə edilib.

Çin Meteorologiya İdarəsi avqustun 8-də tayfun üzrə təhlükə səviyyəsini dördüncü dərəcədən üçüncü səviyyəyə qaldırıb. Qeyd edək ki, ölkədə fövqəladə hallara reaksiya üzrə dördsəviyyəli sistem tətbiq olunur və birinci dərəcə ən yüksək həyəcan siqnalı hesab olunur.

Meteoroloqların proqnozlarına görə, küləyin sürəti saniyədə 40 metrdən çox olan “Delfin” tayfununun avqustun 9-dan 10-na keçən gecə Çinin şərq sahillərinə çatacağı gözlənilir.

Təbii fəlakət zonasında təhlükəsizlik tədbirləri

Mütəxəssislər tayfunun təsir göstərəcəyi ərazilərdə güclü yağışlar və daşqın riskinə qarşı xəbərdarlıq ediblər.