Cüdoçumuz yeniyetmələr arasında dünya çempionu oldu

Azərbaycan cüdoçusu Fərid Rzazadə yeniyetmələr arasında dünya çempionu adını qazanıb.

hadiseler.info xəbər verir ki, bu barədə Azərbaycan Cüdo Federasiyası məlumat yayıb.

Ekvadorda keçirilən yarışda 50 kq çəki dərəcəsində mübarizə aparan idmançımız qızıl medalın sahibi olub. Fərid Rzazadə finala gedən yolda Türkiyə, Qazaxıstan və Braziliya təmsilçilərini məğlub edib. O, həlledici görüşdə digər qazaxıstanlı rəqibi Adiljan Nurbekeni üstələyərək fəxri kürsünün ən yüksək pilləsinə qalxıb.

Qeyd edək ki, bu gün daha 3 cüdoçumuz yarışda tatamiyə çıxacaq.