Dövlət bağçalarında yerlərin sayı 112 minə çatdırılıb

Dövlət məktəbəqədər təhsil müəssisələrində yerlərin sayı 106 mindən 112 minə çatdırılıb.

hadiseler.info xəbər verir ki, bu barədə Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov təhsil işçilərinin sentyabr konfransında çıxışı zamanı bildirib.

Eşqi Bağırov qeyd edib ki, məktəbəqədər təhsilin əhatə dairəsini genişləndirmək üçün əsas istiqamət mövcud dövlət bağçalarının imkanlarından daha səmərəli istifadə etməkdir. Tələbat olan ərazilərdə yeni qrupların yaradılması, təmir və təchizat işlərinin aparılması hesabına bağçalardakı yerlərin sayında artım əldə olunub.