Ərdoğan və Paşinyan görüşdü — Münasibətlərə “yeni impuls” verilir

Türkiyə Prezidenti Rəcəb Tayyib Ərdoğan Birləşmiş Millətlər Təşkilatının (BMT) Baş Assambleyasının sessiyası çərçivəsində Nyu-Yorkda Ermənistanın Baş naziri Nikol Paşinyan ilə görüşüb.

hadiseler.info xəbər verir ki, mətbuata qapalı keçirilən danışıqlarda tərəflər Ermənistan-Türkiyə münasibətlərinin normallaşdırılması prosesini ətraflı müzakirə ediblər.

Ermənistan hökumətinin yaydığı məlumata görə, Ərdoğan və Paşinyan iki ölkə arasındakı əlaqələrə “yeni impuls” verməyə hazır olduqlarını vurğulayıblar. Görüşdə ticarət-iqtisadi münasibətlərin inkişaf etdirilməsi və iki ölkənin işgüzar dairələri arasında təmasların genişləndirilməsi məsələləri diqqət mərkəzində olub.

Müzakirələr zamanı, həmçinin tarixi Ani körpüsünün birgə bərpası layihəsinə də xüsusi diqqət ayrılıb.