Ermənistanın sabiq maliyyə naziri Qaqik Xaçatryan HƏBS EDİLDİ

Ermənistanın keçmiş maliyyə naziri və Dövlət Gəlirləri Komitəsinin sabiq sədri Qaqik Xaçatryan barəsində 2 ay müddətinə həbs qətimkan tədbiri seçilib.

hadiseler.info xəbər verir ki, qərar İrəvan məhkəməsi tərəfindən keçmiş məmurun saxlanılmasından bir neçə saat sonra qəbul olunub. Ermənistan İstintaq Komitəsinin məlumatına görə, Xaçatryan külli miqdarda rüşvət alma, çirkli pulların yuyulması və qanunsuz əmlak əldə etməkdə ittiham olunur.

İstintaq tədbirləri çərçivəsində hüquq-mühafizə organları Xaçatryanın və oğlunun yaşayış yerlərində, eləcə də onlarla əlaqəli 20-dən çox şirkətin ofis və filiallarında axtarışlar aparıb.

Məhkəmə prosesi fonunda Xaçatryanın vəkilləri müvəkkillərinin səhhətindən narahatlıqlarını bildirərək hüquq-mühafizə əməkdaşlarının ona qarşı kobud rəftar etdiyini iddia ediblər. Həmçinin kecmiş nazirin yatağından qaldırılaraq xərəkdə məhkəmə zalına gətirildiyini əks etdirən görüntülər yayılıb.