Estoniyanın müdafiə naziri istefa verdi

Estoniyanın müdafiə naziri Hanno Pevkur hərbi müqavilələrdə aşkar edilən ciddi nöqsanlara görə istefa verib.

hadiseler.info ERR-ə istinadən xəbər verir ki, Pevkur Dövlət Nəzarətinin Müdafiə Qüvvələri və Dövlət Müdafiə İnvestisiyaları Mərkəzinin fəaliyyətinə dair iradlarından sonra siyasi məsuliyyəti öz üzərinə götürdüyünü və postunu təhvil verməyə hazır olduğunu bildirib.

Aşkar olunan nöqsanlar arasında Estoniyanın Ukrayna üçün mərmi alışı çərçivəsində əvvəllər heç vaxt silah-sursat satışı ilə məşğul olmayan hindistanlı iş adamlarına ümumilikdə 70 milyon avro məbləğində avans ödəməsi faktı da var.