“Fənərbaxça”dan Taliska bəyanatı

“Fənərbaxça” klubu braziliyalı ulduz futbolçu Anderson Taliskanın komandadakı gələcəyi barədə yayılan iddialara rəsmi cavab verib.

hadiseler.info xəbər verir ki, İstanbul təmsilçisi təcrübəli yarımmüdafiəçinin “Konyaspor”la oyunda heyətə salınmamasının sırf xarici oyunçu limiti ilə bağlı olduğunu açıqlayıb.

Klubun bəyanatında bildirilib ki, qərar 10+4 əcnəbi futbolçu qaydasına əsasən verilib. Komandada 11 legioner olduğu üçün bir nəfər kənarda qalmalı idi. Texniki heyətin planına uyğun olaraq, Taliska həftəiçi keçiriləcək “Olimpik Lion” qarşılaşması nəzərə alınaraq dincəldilib və həmin matçın heyətində yer alacaq.