Gəncədə şagirdlərin zəhərləndiyi məktəbin bufetinin fəaliyyəti MƏHDUDLAŞDIRILDI — FOTOLAR

Gəncə şəhərində C.Cabbarlı adına 6 nömrəli tam orta məktəbdə baş vermiş qida zəhərlənməsi hadisəsi ilə bağlı Azərbaycan Respublikası Qida Təhlükəsizliyi Agentliyinin (AQTA) mütəxəssisləri tərəfindən genişmiqyaslı araşdırmalara başlanılıb.

hadiseler.info xəbər verir ki, şagirdlərin qida məhsulunu alaraq istehlak etdikləri məktəb bufetində operativ yoxlama aparılıb. Aşkar olunmuş nöqsanlar aradan qaldırılanadək bufetin fəaliyyəti rəsmən məhdudlaşdırılıb.

Yoxlama zamanı bufetdə satışa çıxarılan qida məhsullarından laborator müayinələr üçün nümunələr götürülərək Agentliyin müvafiq laboratoriyasına göndərilib. Faktla bağlı araşdırmalar davam etdirilir.