Hikmət Hacıyev: “Qarabağ və Şərqi Zəngəzurda əsl intibah dövrü yaşanır”

Qarabağ və Şərqi Zəngəzur iqtisadi rayonlarında genişmiqyaslı quruculuq və bərpa işləri sürətlə davam edir.

hadiseler.info xəbər verir ki, Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev diplomatik korpus nümayəndələri ilə birlikdə Qarabağa 22-ci səfərlərini həyata keçirdiklərini bildirib.

Hikmət Hacıyev qeyd edib ki, son altı il ərzində Qarabağ və Şərqi Zəngəzurda gözləniləndən də böyük, diqqətəlayiq bir transformasiyanın şahidi olublar: “Bu gün bu torpaqlar əsl intibah dövrünü yaşayır”.

Prezidentin köməkçisi həmçinin vurğulayıb ki, azad olunmuş ərazilərə reallaşdırılan her bir səfər çərçivəsində yenidənqurma, sürətli inkişaf və həyatın bu torpaqlara mərhələli qayıdışı ilə bağlı yeni böyük nailiyyətlər müşahidə olunur.