Hindistanda tuneldə dəhşətli qəza:Ölən və yaralananlar var

Hindistanın şimal hissəsində yerləşən Su Elektrik Stansiyasının (SES) tunel tikintisində faciəvi hadisə baş verib.

hadiseler.info xarici KİV-ə istinadən xəbər verir ki, Uttarakxand ştatının Çamoli bölgəsində tikilməkdə olan hidroelektrik stansiyasına aid tunelə qəfil su və tikinti qalıqları (daş-torpaq) dolub. Hadisə nəticəsində 20-dən çox fəhlə tunelin içərisində çarəsiz vəziyyətdə sıxılıb qalıb.

Bölgənin Səhiyyə Departamentinin rəsmisi doktor Ayuşun verdiyi rəsmi məlumata görə, xilasetmə əməliyyatları zamanı tuneldən çıxarılan fəhlələrdən 7 nəfərinin həyatını itirdiyi müəyyən olunub. Qəza yerindən xilas edilən 10 yaralı isə təcili olaraq xəstəxanaya yerləşdirilib.

Uttarakxand ştatının Baş naziri Puşkar Sinqx Dhami sosial şəbəkə hesabında açıqlama verərək, tuneldə qalan digər işçilərin də sağ-salamat çıxarılması üçün axtarış-xilasetmə tədbirlərinin fasiləsiz davam etdirildiyini bildirib.