İlham Əliyev: “Biz özümüzə hörmət edən insanlarıq”

Yeni Azərbaycan Partiyasının VIII Qurultayında çıxış edən Prezident İlham Əliyev Azərbaycanın prinsipial, ləyaqətli və dürüst xarici siyasət kursundan söhbət açıb.

hadiseler.info xəbər verir ki, dövlət başçısı ölkəmizin beynəlxalq münasibətlərdə hər zaman səmimi olduğunu, iküzlülük və riyakarlıqdan uzaq durduğunu vurğulayıb.

Prezident İlham Əliyev Azərbaycanın öz yoluna və prinsiplərinə sadiq qaldığını diqqətə çatdıraraq bildirib:

“Heç vaxt hansısa ölkəyə qarşı iküzlülük, riyakarlıq göstərməmişik. Halbuki belə münasibətlərlə dəfələrlə üzləşmişdik və bu gün də üzləşirik, amma biz heç vaxt onlar kimi ola bilmərik. Biz özümüzə hörmət edən insanlarıq, biz ləyaqətlə yaşayırıq, siyasətimizi də ləyaqətlə aparırıq. Bizim timsalımızda hər kəs görə bilər ki, bu mümkündür”.