Prezident: “İslam həmrəyliyinin gücləndirilməsi üçün birləşdirici rol oynayırıq”

Yeni Azərbaycan Partiyasının VIII Qurultayında çıxış edən Prezident İlham Əliyev Azərbaycanın İslam dünyasındakı mövqeyi və İslam həmrəyliyinin möhkəmləndirilməsi istiqamətində həyata keçirdiyi mühüm təşəbbüslərdən danışıb.

hadiseler.info xəbər verir ki, dövlət başçısı ölkəmizin zəngin tarixi, siyasi addımları və mövcud imkanlarının bu birləşdirici rolu uğurla yerinə yetirməyə şərait yaratdığını vurğulayıb.

Prezident İlham Əliyev Azərbaycanın bu sahədəki fəal səylərini diqqətə çatdıraraq bildirib:

“Hamı yaxşı bilir ki, İslam həmrəyliyinin gücləndirilməsi üçün nə qədər böyük səylər göstəririk və burada da birləşdirici rol oynayırıq”.