İran İKBY Baş nazirinin xüsusi ofisinə PUA ilə hücum etdi

İraq Kürdüstan Regional Hökumətinin (İKBY) Baş naziri Məsrum Bərzaninin xüsusi ofisinə və kəşfiyyat təşkilatı rəhbərinin iqamətgahına İran tərəfindən 2 kamikadze PUA ilə hücum təşkil olunub.

hadiseler.info xarici KİV-ə istinadən bildirir ki, İKBY Antiterror Xidmətinin yaydığı bəyanatda hücumun gecə saatlarında “Hadid-110” tipli PUA-lar vasitəsilə Ərbilin Səlahəddin rayonunda həyata keçirildiyi qeyd olunub. Hadisə nəticəsində insan tələfatı və xəsarət alan olmayıb.

İKBY Baş naziri Məsrur Bərzani sosial şəbəkə hesabında paylaşım edərək hücumu kəskin şəkildə qınayıb və bunu regionun təhlükəsizliyinə birbaşa təhdid kimi qiymətləndirib. İran tərəfi isə hələlik məsələ ilə bağlı hər hansı rəsmi açıqlama verməyib.