İranda zəlzələ baş verdi

Bu gün səhər saatlarında qonşu İran İslam Respublikasında yer tərpənməsi baş verib.

hadiseler.info xəbər verir ki, yeraltı təkanlar İranın Xuzistan vilayətinin Hüseyniyyə şəhəri yaxınlığında qeydə alınıb.

Rəsmi məlumatlara əsasən, 4,5 bal gücündə olan zəlzələ ölkənin qərb və cənub-qərb bölgələrində yerləşən Xuzistan, İlam və Luristan vilayətlərinin həmsərhəd ərazilərində aydın hiss olunub.

İlkin məlumatlara görə, təbii fəlakət nəticəsində tələfat, xəsarət alan və ya ciddi dağıntı barədə hələlik rəsmi açıqlama verilməyib. Wilayətin xilasetmə və fövqəladə hallar xidmətləri ərazidə monitorinq aparır.