İrandan Vaşinqtona sərt cavab: “Sanksiyalar iqtisadi terrordur”

İran Xarici İşlər Nazirliyi ABŞ-nin yeni genişmiqyaslı iqtisadi sanksiyalar tətbiq etmək hədələrinə kəskin reaksiya verib.

hadiseler.info xəbər verir ki, İran XİN-in bəyanatında bu hədələr amerikalı siyasətçilərin İran xalqına qarşı 73 illik düşmənçilik siyasətinin növbəti təzahürü kimi qiymətləndirilib. Nazirlik bildirib ki, İran vətəndaşlarının fundamental hüquqlarını hədəf alan bu sanksiyalar iqtisadi terror və insanlığa qarşı cinayətdir.

XİN-in açıqlamasında bu cür təzyiqlərin İranın müstəqilliyini və milli suverenliyini qorumaq əzminə təsir etməyəcəyi vurğulanıb. Tehran yeni sanksiya addımlarının əvvəlcədən uğursuzluğa məhkum olduğunu və ölkənin milli maraqlarını qorumaq üçün bütün imkanlardan istifadə ediləcəyini bəyan edib.