İsrail hərbçiləri Qəzzada “Nuhba”nın komandirini və HƏMAS yaraqlısını zərərsizləşdirib

İsrail Müdafiə Ordusu Qəzza zolağının şimalında HƏMAS-ın “Nuhba” xüsusi təyinatlı qüvvələrinin komandirini və bir yaraqlısını zərərsizləşdirib.

hadiseler.info xəbər verir ki, bu barədə ordunun Mətbuat xidməti məlumat yayıb.

Məlumata görə, 7 oktyabr 2023-cü ildə İsrailə hücumlarda iştirak edən “Nuhba” komandiri Əbdül-Fəttah Əbu əl-Əiş və HƏMAS-ın hərbi qanadının əməliyyatçısı Raed Adel Alyan Cabaliyədə həyata keçirilən zərbə zamanı məhv edilib. İsrail hərbçiləri bildirib ki, həmin şəxslər hərbçilərə və mülki əhaliyə hücumlar təşkil edərək atəşkəsi sistematik şəkildə pozublar.