İstanbulda avtobus sürücülərinin davası qanla bitdi: 1 ölü-VİDEO

İstanbulun Arnavutköy rayonunda xidməti avtobus sürücüləri arasında baş verən silahlı münaqişə ölüm xəbəri ilə nəticələnib.

hadiseler.info xarici mediaya istinadən xəbər verir ki, Hadımköy Mahalləsi Ürgüplü küçəsində fəhlələri gözləyən iki işçi servisi sürücüsü — Mehmet Taştan ilə Özcan K. arasında yanacaq üstündə mübahisə düşüb. Mübahisə kütləvi davaya çevrilib və Özcan K. yanında gəzdirdiyi tapança ilə M.Taştana tərəf 4 dəfə atəş açıb.

Ağır yaralanan M.Taştan xəstəxanaya çatdırılsa da, həkimlərin səylərinə baxmayaraq onun həyatını xilas etmək mümkün olmayıb.

Hadisədən sonra avtomobili ilə ərazidən qaçan cinayəti törədən sürücü polis əməkdaşları tərəfindən saxlanılıb. Şübhəli şəxs istintaqa verdiyi ilkin ifadəsində əməlini etiraf edərək silahı yol kənarına atdığını bildirib. Faktla bağlı polis tərəfindən genişmiqyaslı istintaq tədbirləri davam etdirilir.